Koonfur Galbeed (Halqaran.com) – Madaxweynaha dowlad goboleedka Koonfur Galbeed Cabdicasiis Xasan Maxamed Lafta Gareen ayaa magacaabay guddi baaris kumeel gaar ah oo natiijo dhab ah ka keena kiiska carruurtii walaalaha ahaa ee lagu dilay magaalada Baydhabo ee xarunta gobolka Baay.
Warsaxaafadeed kasoo baxay xafiiska madaxweynaha Koonfur Galbeed ayaa waxaa lagu yiri” Markuu tixgaliyey muhiimadda ay leedahay in xal kama dambeys ah laga gaaro dilka labada carruur madaxweyne Lafta Gareen wuxuu magacaabay guddi baaris oo kumeel-gaar ah” kuwaas oo kala ah:
1 Wasiir Maxamed Xuseen Xasan Guddoomiye
2 Wasiir Saalax Shariif sayid Cali Xubin
3. Aadan Cabdulaahi Macalin (Haji Eney) Xubin
4 Malaq Cali Malaq Xasan Cali Qataar Xubin
5 Maxamed Sheikh Adan (Bilow) Xubin
6. Prof Abdisalam Ahmed Malla Xubin
7. G/Dhexe Maxamed Xuseen Axmed Xubin
7. Gashanle Ibraahim Cabdulle C/ raxaman Xubin
9. Gashanle Muse Maxamed Xasan Xubin
7-dii bishii April ayaa meydka labada carruurta ah oo uu dhalay xildhibaan hore macalin Aweys Cabdullaahi oo ka tirsanaa baarlamaanka federaalka ah ee Soomaaliya, waxaana maamulka Koonfur Galbeed uu u qabtay falkaas lix ruux oo dhawaan maxkamad lahor keeni doono.
Xafiiska wararka Halqaran.com
Halqarannews@gmail.com
