Hiiraan (Halqaran.com) – Wararka naga soo gaaraya gobolka Hiiraan ayaa sheegaya, in xiisad u dhaxeysa labo maleeshiyo beeleed ay ka taagan tahay deegaanka Xajiin Farayar oo 14km dhanka Koonfur Bari kaga beegan degmada Matabaan ee gobolkaasi.
Labada maleeshiyo beeleed ayaa xiisadooda waxaa ay salka ku heeysaa dhul iyo dilal la xiriira aanooyin qabaiil oo horay uga dhacay deegaanka iyo deegaanno kale oo hoostaga degmada Matabaan.
Dadka deegaanka Xajiin farayar ayaa waxaa ay sheegeen in xiisadaan oo horay u jirtay ay soo cusboonaatay, kaddib markii maleeshiyaad hubeysan meel u dhow deegaanka Xajiin Farayar ay ku dileen Nin Shacab Xoolo dhaqato ahaa.
Wararka la helayo ayaa waxaa ay sheegayaan in Ciidamo ka tirsan kuwa dowladda Soomaaliya ay gaareen halka xiisada ay ka taagan tahay, hayeeshee aysan weli ku guuleysan xalka gaaritsta xiisada u dhaxeysa labada maleeshiyo Beeleed.
Odayaasha Dhaqanka deegaanka Xajiin farayar ayaa ugu baaqay Dowladda Soomaaliya, Odayasha Dhaqanka labada Beelood iyo maamulada Galmudug iyo Hirshabeelle inay xal ka gaaran colaad Beeleedyada degaankaas kusoo laab laabtay.
Si kastaba, dhowr jeer oo hore ayaa deegaanno hoostaga degmada Matabaan ee Gobolka Hiiraan ayaa waxaa ka dhacay dilal aanooyin qabiil ah iyo dagaal toos ah walow laga heshiiyay, balse sanad kasta ay dib u soo cusboonaadaan.
Xafiiska Wararka Halqaran.com
Halqarannews@gmail.com
