Muqdisho (Halqaran.com) – Sii-hayaha Wasiirka Maaliyadda ee Xukuumadda Federaalka Soomaaliya Mudane Cabdiraxmaan Ducaale Beyle ayaa Aaladda fogaan aragga uga qeyb galay shirka sanadlaha ah ee Bangiga Adduunka oo looga hadlayay isbadalka dhaqaalaha iyo saameynta COVID-19.
Wasiir Beyle ayaa xusay in madaxda shirka uu la wadaagay isbadalka maaliyadeed ee dalka iyo saameynta uu cudurka COVID-19 ku yeeshay dhaqaalaha caalamka gaar ahaan Soomaaliya.
“Waxa aan ka qeyb galay shirka sanadlaha ah ee Bangiga Adduunka iyo Soomaaliya oo aan uga hadalnay isbadalka Maaliyadda, Dhameystirka qorshayaasha lagu horumarinayo dhaqaalaha iyo saameynta Coronavirus ee Soomaaliya”. Ayuu yiri Wasiir Beyle.
Sii-hayaha Wasiirka Maaliyadda Cabdiraxmaan Ducaale Beyle ayaa hadalkii ku daray, “Waxa aan u mahadcelinayaa Madaxweyne ku xigeenka Bangiga Adduunka ee Afrika Hafez Ghanem oo shirka nagala soo qeybgalay iyo taageerada Bangiga ee Soomaaliya”.
Xafiiska Wararka Halqaran.com
Halqarannews@gmail.com
