Muqdisho (Halqaran.com) – Madaxweynihii hore ee Soomaaliya Xasan Sheekh Maxamuud ayaa sheegay in siyaasiyiinta mucaaradka ay u diyaar garoobeen doorashooyinka dadban ee dalka laga qabanayo, taas oo ay ku heshiiyeen hoggaamiyeyaasha Siyaasadeed ee dalka.
Xasan Sheekh ayaa sheegay in aysan jirin baqdin ay ka qabaan ka qeyb-galka doorashaooyinka, isaga oo ka jawaabayay Warar soo baxayay oo sheegay in markii lagu dhawaaqay in doorashada waqtigeeda ay ku dhaceyso ay Siyaasiyiinta mucaaradka walwal ka muujiyeen ka qeyb-galka doorashada una diyaarsaneyn.
Madaxweynaha ayaa hadalkiisa intaasi raaciyay in doorashada lagu heshiiyay mid ka weyn ay dhankooda u diyaar garoobeen, isaga oo ka digay in la fashiliyo qabsoomida doorashada ay ku heshiiyeen Madaxda Dowladda iyo Dowlad goboleedyada dalka.
Hadalkan ayuu madaxweynihii hore ee Soomaaliya Xasan Sheekh Maxamuud ku sheegay wareysi uu siiyay Telefeshinka SaabTV, isagoona xusay, in magacaabis la’aanta Golaha Wasiirrada aysan saameyn ku yeelaneyn doorashooyinka.
Xafiiska Wararka Halqaran.com
Halqarannews@gmail.com
