Muqdisho (Halqaran.com) – Waxaa degmada Kaaraan ee magaalada Muqdisho xalay lagu kufsaday gabar 5 sano jir ah, kaddib markii uu fara xumeeyay nin ay isku xaafad ahaayeen, sida ay sheegeen dadka deegaanka
Gabadha yar ee la kufsaday oo baaritaan caafimaad loo geeyay Isbitaal Digfeer ayaa waxaa halkaasi lagu xaqiijiyay in la kufsaday, iyadoona ay taasi ka careysiisay dadka deegaanka.
Samiira Yuusuf Maxamed oo ah gabadha la kufsaday ayaa haataan xaaladeeda caafimaad lagula tacaalaya Isbitaalka Madiina, sida ay eheladeeda xaqiijiyeen.
Ehelada Samiira Yuusuf ayaa Dowladda Federaalka ka codsaday in la soo qabto dembiilaha, sharcigana la horkeeno, si cadaaladda loogu qaado.
Si kastaba ha’ahaatee, Falkan Kufsiga ah ayaa markale dareen argagax leh ku abuurtay bulshada ku dhaqan Magaalada Muqdisho, iyadoo 11-kii bishan la sheegay in magaalada lagu kufsaday, laguna dilay gabar 19 jir ahayd oo lagu magacaabi jiray Xamdi Maxamed Faarax.
Xafiiska Wararka Halqaran.com
Halqarannews@gmail.com
