Muqdisho (Halqaran.com) – Ra’iisul wasaaraha magacaaban ee Soomaaliya, mudane Maxamed Xuseen Rooble ayaa sheegay in uu aqbalay xilka uu u magacaabay Madaxweynaha JF Somaliya, mudane Maxamed Cabdullaahi Farmaajo.
“Waxaa farxad ii ah in aan idin la wadaago, in aan si sharaf iyo dareen masuuliyadeed leh aan u aqbalay kalsoonida uu isiiyey Madaxweynaha JF Soomaaliya Mudane Maxamed Cabdullaahi Farmaajo, iiguna magacaabay Xilka Ra’iisul Wasaaranimo ee Xukuumadda Federaalka Soomaaliya”
Ra’iisul Wasaare Rooble ayaa sidoo kale codka kalsoonida weydiistay golaha Shacabka Baarlamaanka Soomaaliya, isagoo ka rajeeyay in ay siin doonaan si uu u guto waajibaadka iyo mas’uuliyadda saaran.
“Sidaas daraadeed, waxaan doonayaa in aan codka kalsoonida waydiisto Golaha Shacabka, aniga oo rajaynaya in ay isiin doonaan codka kalsoonida, si aan u guto waajibaadkayga”.
Sharaf ayay ii tahay in madaxweynaha Jamhuuriyadda mudane @M_Farmaajo ii magacaabay Ra'iisulwasaaraha dalka, waana aqbalay. Waxaan si xushmad leh u weydiisanayaa mudaneyaasha Golaha Shacabku in ay kalsoonidooda i siiyaan si aan u guto waajibaadkeyga. pic.twitter.com/oCfmrlWobg
— Mohamed Hussein Roble (@MohamedHRoble) September 20, 2020
Xafiiska Wararka Halqaran.com
Halqarannews@gmail.com
