Hargeysa (Halqaran.com) – Madaxweynaha Somaliland, Mudane Muuse Biixi Cabdi, ayaa Talaadada maanta ah qasriga madaxtooyada kulan kula qaatay guddida komishanka doorashooyinka Somaliland.
Guddida Komishanka doorashooyinka waxay madaxweynaha uga warbixiyeen hawlaha qabsoomidda doorashooyinka isku-sidkan ee golayaasha wakiillada iyo deegaanka oo ay hore u soo saareen jadwalkii diwaangelinta cod-bixiyeyaasha iyo doorashooyinka.
Sidoo kale, Guddiga ayaa xusay in ay u bandhigeen xisbiyada qaranka, waxana ay sheegeen inay ka go’an tahay sidii ay doorashooyinku ugu qabsoomi lahaayeen xilliga ay muddeeyeen.
Madaxweynaha Somaliland Muuse Biixi, ayaa bogaadiyey deddaalka ay ugu jiraan diyaarinta qabsoomidda doorashooyinka.
Mr. Biixi ayaa ku dhiirrigeliyey inay xaqiijiyaan sidii ay doorashooyinkaasi dalka uga qabsoomi lahaayeen, isagoo ku adkeeyey inay dardar-geliyaan diyaarinta diiwaangelinta cod-bixiyeyaasha iyo hawsha qabsoomidda doorashooyinka.
Madaxweynaha Somaliland iyo guddiga doorashooyinka ayaa kulankaasi isla meel dhigay, in siwada jir loo wajaho qabsoomidda doorashooyinka.
Xafiiska Wararka Halqaran.com
Halqarannews@gmail.com
