Dhuusamareeb (Halqaran.com) – Madaxweynaha Maamulka Galmudug Axmed Cabdi Kaariye (Qoorqoor), ayaa caawa magacaabay guddiga caleemo saarka Madaxweynaha iyo Madaxweyne Ku-xigeenka.
Guddiga oo ka kooban laba iyo toban xubnood ayaa waxaa Gudoomiye looga dhigay Yuusuf Garaad Cumar, Wasiirkii hore ee Wasaaradda Arrimaha Dibadda Soomaaliya, waxaana Gudoomiye Ku-xigeen looga dhigay Xasan Macalin Saciid Samatar (Xasan Gacaliye).
Xubnaha guddiga dhammaantood waxaa waaye rag, marka laga reebo Shukri Maxamuud Afrax, oo ah gabadha keliya ee guddigan ku jirta.
Sida qoraalka lagu sheegay shaqada guddiga ayaa ah in ay muddeeyan waqtiga la qabanayo munaasabadda caleemo saarka iyo dejinta habraaca ay tahay in loo maro caleemo saarka, ayagoo kaashanaya baa qoraalka lagu yiri Madaxtooyada.
Xafiiska Wararka Halqaran.com
Halqarannews@gmail.com
