Garoowe (Halqaran.com) – Dawladda Federaalka Soomaaliya ayaa dhawaan waxay soo saartay Amar ah in Maamul gobolleedyada aysan dalal Ajnabi ah Hoggaankooda la kulmi Karin heshiisna la geli Karin.
Maamulka Puntland ayaa isla markiiba amarkaasi ka dhego fureysatay, iyadoo amarkan lasoo saaray labo Cisho Ka hor.
Dowlad goboleedka Puntland ayaa Heshiis dhinaca Hormarinta Waxbarashada la saxiixatay dawlada Masar, taasoo ah Amarkii Dawlada Dhexe mid burinayey.
Wasiirka Waxbarashada Puntland Cabdullaahi Maxamed Xasan ayaa dalka Masar kula saxiixday Mas’uuliyiinta Waxbarashada Dalkaasi is afgarad Heshiis ah.
Madaxweynaha Puntland Mudane Siciid Dani ayaa uga mahadceliyey Dawlada Masar, sida ay Soomaaliya gaar ahaan maamulka Puntland sida dhaw ay wada shaqeynta ula leeyihiin.
Maxamed Cabdi Xayir (Maareeye), wasiirka Warfaafinta Soomaaliya ayaa maalmo ka hor shaaciyey, inaysan hadda kadib ogolaan doonin is garab la sameeyo oo dawlada Dhexe wax walbo oo dalka ah iyada mas’uul ka tahay.
Xafiiska Wararka Halqaran.com
Halqarannews@gmail.com
