Muqdisho (Halqaran.com) – Ciidanka dowladda Jabuuti ee ku jira howlgalka AMISOM ee Soomaaliya ayaa la sheegayaa in aysan mushaar qaadan tan iyo December sanadkii 2018-kii.
Wargeyska Indian Ocean Newsletter ayaa qoray in Midowga Afrika uu bixiyay mushaarka Ciidanka Jabuuti ee ku jira AMISOM hayeeshee dowladda Jabuuti aysan ciidankeeda siinin mushaarkii ay la haayeen.
Guutada lixaad ee Ciidanka Jabuuti oo beddelay midda afaraad ee ku sugnaa Jalalaqsi ayaa la sheegayaa in tan iyo xilligaas aysan wax mushaar ah qaadan.
Midowga Yurub oo bixiya Mushaarka AMISOM ayaa lacagtaas ku wareejiyay Midowga Afrika,waxaana Askarigiiba helayaa bil kasta lacag dhan $800 oo doollarka Mareykanka ah iyada oo Midowga Afrikana ku wareejiyay dowladda Jabuuti.
→ Sii Akhri Wararka Kale ee Maanta:⇓
- DF Soomaaliya oo Digniin culus u dirtay maamulka Jubbaland (Maxaa cusub?)
- DHAGEYSO: Somaliland oo war culus ka soo saartay ka qeybgalka caleema saarka Axmed Madoobe
- Whatsapp oo soo saaraysa adeeg cusub oo macaamiisheeda ku farxi doonaan
- UPDATE: Maxaa natiijo ah oo ka soo baxay maxkamadeyntii maanta ee Wasiirka Amniga Jubbaland Janan?
- XOG XASAASI: Xisbiga uu hoggaamiyo Sheekh Shariif oo dacwad halis ah ka gudbiyay dowladda Farmaajo (Maxa cusub?)
- Maxay ula jeeday dowladda Somaliya in dad laga soo musaafuriyay Kismaayo ay dib ugu celiso?
Midowga Yurub ayaa 20% dhimay mushaarka Ciidanka AMISOM sanadkii 2016kii, waxaa ay sidoo kale dowladaha ay Ciidamadaas ka socdaan ayaa waxaa ay sii jartaan 20% oo ah waxa lagu sheegay qarashaadka maamulka.
Askariga ayaa waxaa u soo haraya $800 doollar bilkasta, taas oo inta badan Askarta kale ay qaataan, hayeeshee kuwa Jabuuti ka cabanayaan in aan wali la siin lacagtaas.
Xafiiska Wararka Halqaran.com
Halqarannews@gmail.com
