Kismaayo (Halqaran.com) – Siyaasiga weyn Cabdiraxmaan Cabdishakuur Warsame oo ku sugan Magaalada Kismaayo, islamarkaana Khudbad ka jeediyay Xafladda Caleema saarka Madaxweynaha Jubbaland ayaa Farriin adag u diray Madaxweynaha Soomaaliya Maxamed Cabdullaahi Farmaajo.
CCW ayaa waxaa uu sheegay haddii dowladda dhexe ee Soomaaliya ay isku daydo in wadadii loogu tala galay doorashada ay ka leexiso ay la kulmi doonto dhibaato culus.
Madaxda dalka ayuu uga digay Muddo Kororsi iyo in doorashada soo socoto aysan noqon mid xor iyo xalaal ah.
Siyaasiga ayaa sheegay in madaxda maanta joogta ay u baahan yihiin in gacmaha la qabto oo lala taliyo si uusan dalku u burburin.
Wuxuu hadalkiisa ku soo gabagabeeyay, in haddii aan dalka laga qaban Madaxda maanta ayuu sheegay in dhibaatooyin badan oo Muddo dheer socda dhalan doonaan uuna ugu baaqayo Shacabka Soomaaliyeed Midnimo iyo Wadajir.
Xafiiska Wararka Halqaran.com
Halqarannews@gmail.com
