Muqdisho (Halqaran.com) – Sida ay xaqiijinayaan saraakiil sare oo ka tirsan dowladda Itoobiya ayaa sheegaya, in Itoobiya ay dib u celineyso kumanaan askari oo ka joogay Soomaaliya, kuwaasi oo Dowladda Federaalka ka caawinayay dagaalka ka dhanka ah Ururka Al-Shabaab.
Ka bixitaanka Ciidamada Itoobiya ee Soomaaliya ayaa imaanaya, iyadoo askarta federaalka ay weli la dagaallamayaan xoogag daacada u ah xisbiga talada haya ee woqooyiga Itoobiya ee gobolka Tigrayga.
Dowladda Itoobiya ayaa u yeertay ilaa 3,000 oo askari si ay uga caawiso weerarka Tigrayga, waxaana Ciidankaasi lagu amray in aysan muujin ka bixitaankooda Soomaaliya oo uu ahaado mid ciidan.
Ciidamada la bixinayo waa askarta Ciidanka Difaaca Qaranka Itoobiya ee hoos yimaada taliska 5,000 oo ka socda dowladda Itoobiya oo ka tirsan howlgalka nabad ilaalinta Midowga Afrika.
Si kastaba, ciidanka Itoobiya ayaa inta badan waxa ay ka howlgallaan deegaanada maamulka Koonfur Galbeed, Sidoo kalena waxaa jira Ciidmao ka tirsan AMISOM oo ka socda Itoobiya oo fadhigoodu yahay maamullada Jubbaland iyo Hirshabeelle.
Xafiiska Wararka Halqaran.com
Halqarannews@gmail.com
