Dhuusamareeb (Halqaran.com) – Mid ka mid ah xildhibaannada Baarlamaanka maamulka Galmudug ayaa iska casilay xubinnimadiisa baarlamaannka labaad ee Galmudug
Xildhibaan Shaacir Sheegow Maxamed ayaa warqadda istiqaalada u gudbiyay Gudoomiyaha Baarlamaanka Galmudug, Maxamed Nuur Gacal.
Warqadda istiqaalada ayuu ku sheegay in sababaha uu isu casilay ay tahay daruufo u gaar ah, isla markaana aynaan jirin cid ku qasabtay inuu is casilo.
Xildhibaan Sheegow ayaa ka mid ahaa labaatankii xubnood ee Ahlu Sunada Gobolada Dhexe laga siiyay Baarlamaanka Labaad Galmudug.
Sidoo kale, xildhibaan Sheegow ayaa ka soo mid noqday Baarlamaankii 1aad Galmudug, ee sanadkii 2015 lagu dhisay Magaalada Cadaado ee Gobolka Galgaduud.
Xafiiska Wararka Halqaran.com
Halqarannews@gmail.com
