Dhuusamareeb (Halqaran.com) – Sii-hayaha Wasiirka Wasaaradda gargaarka iyo maareynta musiibooyinka ee XF Soomaaliya, Xamsa Saciid Xamsa iyo wafdi uu hoggaaminayo ayaa maanta gaaray magaalada Dhuusamareeb ee Caasimadda Galmudug.
Wasiirka iyo wafdigiisa waxaa garoonka diyaaradaha magaalada Dhuusamareeb ku soo dhaweeyay wasiirka wasaaradda gargaarka Galmudug Cabdiraxmaan Makaawe, Xildhibaanno iyo Wasiirro ka tirsan maamulka Galmudug.
Xubnaha Wafdiga ayaa waxa la filayaa in maamulka Galmudug ay ku wareejiyaan agab muhiim u ah in lala socdo cimilada iyo tilmaamayaasheeda, waxaana la filayaa in uu la kulmo Madaxda Sare ee Galmudug.
Sii hayaha, Wasiirka Wasaaradda gargaarka iyo maareynta musiibooyinka Xukuumadda Federaalka ah ee Soomaaliya Xamsa Saciid Xamsa ayaa shalay Maamulada Koonfur Galbeed iyo Jubbaland ku wareejiyay la socoshada isbedelada Cimilada.
Maamulka Puntland ayaa la flayaa in sidaasi si la mid ah loogu wareejiyo qalabkaan lagula soconaayo xaaladaha Isbedelada Cimilada Soomaaliya.
Xafiiska Wararka Halqaran.com
Halqarannews@gmail.com
