Beledweyne (Halqaran.com) – Wasiirka arrimaha gudaha, dib u heshiisiinta iyo Federaalka ee Xukuumadda Soomaaliya, mudane Mukhtaar Xuseen Afrax iyo wafdi uu hogaaminaayo ayaa Khamiistii maanta gaaray, magaalada Beledweyne.
Waxaa si diiran garoonka diyaaradaha Beledweyne soo dhaweeyay maamulka gobolka iyo qeybaha kala duwan ee bulshada.
Ujeedka safarka wasiirka ayaa lagu sheegay in uu xaliyo tabashada reer Hiiraan ay ka qabaan dhismaha maamulka cusub ee Hirshabeelle.
Magaalada Beledweyne waxaa horay ugu sugnaa, madaxweyne ku xigeenka Hirshabeelle Yuusuf Axmed Hagar Dabageed, guddoomiyaha Baarlamaanka Cabdixakiin Luqmaan iyo mas’uuliyiin kale oo ka tirsan maamulka Hirshabeelle.
Xafiiska Wararka Halqaran.com
Halqarannews@gmail.com
