Wajeer (Halqaran.com) – Dhowr qof ayaa laga cabsi qabaa inay dhinteen kaddib markii Koox looga shakiyay inay maleeshiyaadka Al-Shabaab yihiin ay weerar ku qaadeen Bas Maraayay inta u dhexeeysa Mandheera iyo Kutulod oo ka tirsan Gobolka Wajeer.
Taliyaha Bilayska Gobolka Wajeer Stephen Ng’etich ayaa xaqiijiyay weerarka laakiin waxaa uu ka gaabsaday in uu faah-faahiyo Khasaaraha ka dhashay weerarka Al-Shabaab.
Taliyaha ayaa waxa uu intaa ku dary in aan ilaa iyo imika la ogeyn tirada rasmiga ah ee khasaaraha ka dhashay weerarkaasi.
“Waxaan xaqiijin karaa in koox hubaysan ay weerareen bas ku safrayay Mandheera Jimcihii wali wax macluumaad ah kama hayno tirada khasaaraha,” ayuu yiri taliyaha.
Qof ka mid ah dadkii ka badbaaday weerarka ayaa sheegay in Kooxda hubeysan ay dileen ku dhawaad 10 ruux.
Si kastaba, dhacdadan ayaa ka dhacday isla wadadii 28 Kenyan ah oo Bas ku safrayay lagu dilay 5 snao ka hor.
Xafiiska Wararka Halqaran.com
Halqarannews@gmail.com
