Cadaado (Halqaran.com) – Waxaa maanta magaaladda Cadaado kulan ku yeeshay Xubnaha Guddiga qaban qaabada shir-waynaha dib u heshiisiinta beelaha dega deegaannada Galmudug iyo Odayaasha iyo Waxgaradka Magaaladaas.
Kulanka ayaa intiisa badan waxaa looga hadlayay sidii Odayaasha Cadaado uga qayb geli lahaayeen Shirka dib u heshisiinta Galmudug ee gogoshiisu taallo Magalada Dhuusamareeb iyo dhismaha Galmudug loo dhan yahay.
Kulankan waxaa dibad joog ka ahaa Saxaafadda, waxaana warar hoose oo ay heleyso Halqaran.com ay sheegayaan in Odayaasha Cadaado ay Guddiga u sheegeen in marnaba aysan diyaar u aheyn inay ka qeyb galaan Shirka dib u heshiisiinta ee Magaalada Dhuusamareeb.
Si kastaba, sababta ay ku diideen ka qayb galka shirka Odayaasha Cadaado ayaa waxa lagu sheegay inay guddiga u gudbiyeen in shirkaasi ay doonayaan in lagu qabto Magaalada Cadaado, islamarkaana ay tahay Xarunta Baarlamaanka Galmudug.
Xafiiska Halqaran.com, Muqdisho
Halqarannews@gmail.com
