UK (Halqaran.com) – Waddanka Finland ayaa loo magacaabay waddanka ugu farxadda badan adduunka markii afaraad, warbixinta sanadlaha ah ee waddamada ugu farxadda badan adduunka.
Warbixinta la soo saaray ayaa waxaa kaalinta koowaad ka galay waddanka Finland, halka booska labaad ay gashay waddanka Denmark, iyada oo waddamada Switzerland, Iceland iyo Netherlands ay kala galeen kaalmaha xiga.
Waddanka New Zealand oo ka baxsan waddamada qaaradda Yurub ayaa ka mid noqday 10-ka waddan ee ugu sareeya waddamada ugu farxadda badan adduunka.
Waddanka Ingiriiska oo ku jiray kaalinta 13aad ayaa markaan waxa uu galay kaalinta 17aad.
Hay’adda sameysay daraasadda ayaa waxa ay su’aalo weydiiyeen dad kala jooga 149 waddan si ay u qiimeeyaan farxadda ay heystaan.
Dhanka kale, waddanka ugu farxadda yar adduunka ayay daraasaddu ku sheegtay waddanka Afghanistan, iyada oo ay ku soo xigaan waddamada Lesotho, Rwanda iyo Zimbabwe.
10-ka waddan ee ugu farxadda badan adduunka ayaa kala ah:
Finland, Denmark, Switzerland, Iceland, Netherlands, Norway, Sweden, Luxembourg, New Zealand iyo waddanka Austria.
Xafiiska wararka Halqaran.com
Halqarannews@gmail.com
