Egypt (Halqaran.com) – Wadaxaajoodkii Biyo xireenka Al-Nahda ee u dhaxeysa dalalka, Masar, Suudaan iyo Itoobiya, kana socday Congo, ayaa ku dhammaaday fashil sida ay xaqiijisay Wasaaradda Arrimaha Dibadda Masar.
Intii lagu guda jiray wadahadallada Biyo xireenka Al-Nahda ee Wabiga Niil, ayay dawladaha Masar iyo Suudaan, si wada jir ah ugu eedeeyeen dhigooda Itoobiya in shirka ay la yimaadeen go’aan ay diideen in ay wax ka badalaan.
Markii uu bilowday muranka Biyo xireenkan, dawladda Masar, ayaa bishii Juun ee la soo dhaafay dacwad ka dhan ah Itoobiya u gudbisay golaha amniga, sida ku xusan Qodobka VI, kaas oo ka hadlaya dejinta khilaafaadka siyaasadeed ee u dhexeeya wadamadan.
Prof. Cabdul Caadi, oo ah khabiir bartay sharciga Caalamiga ah oo arrinkan ka hadlay ayaa yiri: “Wadamadan waxay xaq u leeyihiin inay qoraal u gudbiyaan golaha amaanka, iyagoo sharraxaya wixii dhacay intii ay socdeen wadahadallada, iyaga oo ixtiraamaya rabitaankaood ku saleeysan in khilaafkooda uu xaliyo midowga afrika”.
Dr. Zaki Al-Buxeyri oo ah Professor ku takhasusay daraasaadka Afrika ayaa sheegay in Itoobiya ay ka dhiseyso gudaha Niil, 3 biyo xireen oo kale oo aan ka aheyn biyo xireenka Al nahda, kuwaas oo keydin karaan ilaa 200 bilyan oo mitir cubic oo biyo ah, taas oo looga gol leeyahay in laga dhaliyo koronto si meesha looga saaro Saamiga Webiga Niil ay ku leeyihiin dalalka Masar iyo Suudaan
Xafiiska wararka Halqaran.com
Halqarannews@gmail.com
