Garoowe (Halqaran.com) – Wararka naga soo gaaraya magaalada Garoowe ee gobolka Nugaal ayaa sheegaya, in caawa halkaasi lagu xiray weriye Cumar Maxamed Soomane.
Ciidamada Booliska ee Maamulka Puntland ayaa gudaha Magaalada Garoowe ka dhex qabtay Wariye Cumar Maxamed Soomane.
Waxaa soo baxaya warar sheegaya in loo xiray qoraalo uu bulshada kula wadaagay barraha bulshada, sida ay soo sheegayan Wariye-yaasha Magaalada Garoowe.
Cumar Soomane ayaa waxaa dhawaan loo magacaabay Wariyaha gaarka ah ee Madaxweynaha Puntland, Siciid Cabdullaahi Deni.
Sidoo kale, Wariyaha ayaa iminka la shaqaynayay Universaltv iyo Radio Kulmiye ee Magaalada Muqdisho.
Weli kama hadlin maamulka Puntland ujeedada ka dambeysa xariga weriye Cumar Maxamed Soomane.
Si kastaba ha’ahaatee, Soomaaliya ayaa ka mid ah dalalka ugu halista badan dunida ee Wariye uu ka hawlgalo, iyadoo loogu gaysto handadaad/cago jugleen, xarig iyo dilba.
Xafiiska Wararka Halqaran.com
Halqarannews@gmail.com
