Dhuusamareeb (Halqaran.com) – Wasiiru dowlihii Wasaaradda Hawlaha Guud ee Xukuumadda Federaalka ah ee Soomaaliya, Axmed Cabdi Kaariye (Qoorqoor) ayaa ku dhawaaqay inuu iska casilay xilkaasi.
Qoorqoor ayaa is-casilaadiisa kaga dhawaaqay Magaalada Dhuusamareeb ee Xarunta Maamulka Galmudug, halkaasi uu galabta Tallaadada gaaray.
Axmed Cabdi Kaariye ayaa wuxuu ka mid yahay Musharaxiinta u taagan qabashada xilka madaxtinimada Maamulka Galmudug.
Doorashada Galmudug ayaa waxaa ka haray maalmo kooban oo kaliya, waxaana socda loolan adag oo ay wadaan Musharaxiinta u hanqal taageysa hoggaanka Galmudug.
Wasiiru dowlihii Wasaaradda Hawlaha guud ee maanta iscasilay, ayaa waxaa lagu xantaa inuu yahay Musharax ay wadato dowladda Federalka Soomaaliya si uu ugu soo baxo doorashada Maamulka Galmudug.
Xafiiska Wararka Halqaran.com
Halqarannews@gmail.com
