Nugaal (Halqaran.com) – Waxaa saacadihii la soo dhaafay deegaanno ka tirsan dowlad goboleedka Puntland ku habsaday Ayax farabadan, kaas oo dhibaatooyin farabadan u geystay dhul daaqsimeed ku yaalla deegaannada maamulkaas.
Meelaha ugu daran ee Ayaxa uu ku habsaday ayaa waxaa kamid ah dhul daaqsimeed ku yaalla gobolada Nugaal iyo Bari, waxaana sidoo kale jira Beero dalagyo ay ka baxayeen oo uu baabi’iyay.
Qaar kamid ah dadka ku nool deegaannada uu Ayaxa ku habsaday ayaa qeylo-dhaan waxaa ay u direen Madaxda Puntland, iyagoo ka dalbaday in wax lag qabto maadaama uu ku haayo dhibaatooyin kala duwan.
Puntland ayaa bilihii la soo dhaafay waxaa ay ku jirtay dagaal xoogan oo ka dhan ah Ayaxa, iyada oo caawin ka heleysay Hay’adda FAO, iyaga oo adeegsanaya qalab iyo dad loo tababaray.
Xafiiska Wararka Halqaran.com
Halqarannews@gmail.com
