Muqdisho (Halqaran.com) – Warar goor-dhow soo gaaray xafiiska warqabadka Halqaran.com, ayaa sheegaya, in kulankii xildhibaannada Aqalka sare uu baaqday, kaddib markii ay soo xaadiri waayeen qaar ka mid ah Senatorada Aqalka sare ee ka soo horjeeda guddoomiyaha aqalka sare Cabdi Xaashi Cabdullaahi iyo ku-xigeenkiisa koowaad.
Qaar ka mid ah Xildhibaanada Aqalka Sare oo Warbaahinta kula hadlay Muqdisho ayaa sheegay in Madaxtooyadda ay khilaaf ka dhex waddo Aqalka Sare, islamarkaana maanta in kulanka uu baaqdo ay ka dambeeyeen.
Xildhibaannada ayaa sheegay in Madaxweynaha Soomaaliya uu ka dambeeyay Khilaafka ka dhex taagan Xildhibaanada Aqalka Sare.
Sidoo kale, xildhibaannada ayaa waxa ay sheegeen in Sharcigii doorashooyinka ee ay gudbiyeen in xubno ka mid ah Madaxtooyadda Soomaaliya ay wax ka badal ay ku sameeyeen, islamarkaana aysan aqbali doonin.
Xildhibaannadan ayaa xusay, in Madaxweynaha JF Soomaaliya, Maxamed Cabdullaahi Farmaajo ay ugu baaqayaan in uu faraha kala baxo howlaha Aqalka Sare.
Xafiiska Wararka Halqaran.com
Halqarannews@gmail.com
