Dhuusamareeb (Halqaran.com) – Waxaa magaalada Dhuusamareeb ee Caasimadda Galmudug ka socda kulamo kala duwan oo ay yeelanayaan Madaxda Dowlad goboleedyada dalka, kuwaas oo halkaasi u tegay shir gaar ah oo ay yeelanayaan.
Madaxweynaha dowlad goboleedka Galmudug, Mudane Axmed Cabdi Kaariye (Qoorqoor) ayaa maanta Xarunta Madaxtooyada Galmudug ee magaalada Dhuusamareeb Qado sharaf ugu sameeyey madaxweynayaasha Dowlad Goboleedyada Puntland, Koonfur Galbeed, Jubbaland iyo Hirshabeelle.
Kulanka ayaa ahaa mid gogol xaar u ah shirka wadatashiga Dowladaha xubnaha ka ah Dowladda Federaalka ah ee Soomaaliya oo maalinta berri (Sabtida) si rasmi ah uga furmaya magaalada Dhuusamareeb.
Magaalada Dhuusamareeb ayaa waxaa lagu wadaa in shirka madaxda dowlad Goboleedyada uga hadlaan siyaasadda dalka, xaalada kala guurka oo ay ugu horreyso doorashada 2020-2021, waxaana magaalada iminka ka socda diyaar-garowgii ugu dambeeyay.
Xafiiska Wararka Halqaran.com
Halqarannews@gmail.com
