Janaale (Halqaran.com) – Ciidamada Dowladda Soomaaliya ayaa howlgallo miina baaris ah waxaa saacadihii la soo dhaafay ay ka sameeyeen duleedka deegaanka Janaale ee Gobolka Shabeellaha Hoose.
Saraakiisha howlgalka hoggaamineysa ayaa waxaa ay sheegeen in intii ay howlgalka ku jireen ay gacanta ku dhigeen Nin dhalinyaro ah oo miino ku Aasayay Wadada soo gasha deegaanka Janaale.
Mid kamid ah Saraakiisha Ciidanka dowladda ayaa Warbaahinta u sheegay in Shaqsiga la soo qabtay ay ku wareejin doonaan Maxkamada Ciidamada, isla markaana uu Aasayay miino uu doonayay in uu dadka ku dhibaateeyo sida uu hadalka u dhigay.
Tan iyo markii ciidanka Millateriga Soomaaliya ay la wareegeen deegaanka Janaale ee Gobolkaasi Shabeellaha Hoose ayaa waxaa ay wadeen howlgallo kala duwan, iyada oo dhowr jeer qaraxyo lala beegsaday.
Xafiiska Wararka Halqaran.com
Halqarannews@gmail.com
