Muqdisho (Halqaran.com) – Khasaaro dhimasho iyo dhaawac ah ayaa ka dhashay qarax miino oo ka dhacay kasoo horjeedka Iskuulka hoyga Xamar oo u dhow Madaxtooyadii hore ee Cabdi Qaasim oo ku taalla inta u dhaxeysa KM4 iyo Tarabuunka degmada Hodan ee Gobolkan Banaadir.
Afhayeenka Ciidanka Asluubta Soomaaliyeed ayaa sheegay in qaraxaasi lala beegsaday Taliyaha Ciidamada Asluubta Mahad Cabdiraxmaan Aadan, balse uu ka badbaaday.
Qaraxa waxaa ku dhintay sida uu sheegay Afhayeenka labo Askari oo ka tirsan Ciidanka Asluubta Soomaaliyeed iyo qof Shacab ah.
Sidoo kale, waxaa uu sheegay in Qaraxaas ay ku dhaawacmeen Afar Askari iyo Shacab.
Ururka Al-Shabaab ayaa sheegtay mas’uuliyada qaraxa, waxaana ay sheegeen in uu si dirqi ah qaraxa uu uga badbaaday Taliyaha Ciidamada Asluubta Korneyl Mahad Cabdiraxmaan Aadan.
Xafiiska Wararka Halqaran.com
Halqarannews@gmail.com
