Libya (Halqaran.com) – Dowladda Liibiya ayaa shaacisay in la soo badbaadiyay 163 tahriibayaal ah kuwaas oo ku sii jeeday qaaradda Yurub.
Taliyaha ilaalada xeeabaha Liibiya ayaa sheegay inay ku guulesteen soo badbaadinta dadkaan tahriibayay oo watay laba doon.
Wuxuu intaasi ku daray taliyaha in dadka la soo badbaadiyay ka soo jeedaan dalalka Afrikaanka ah, inkasta uusan xusin magacyada waddamadooda.
Dalka Liibiya ayaa noqday sanadihii ugu danbeeyay dariiqa inta badan ay maraan tahriibayaalka doonaya inay galaan qaaradda Yurub.
Hay’adda Qaramada Midoobe u qaabilsan arrimaha qaxootiga ayaa sheegtay in dowladda Liibiya soo celisay in ka badan 11 kun tabriibayaal ah sanadkii 2020-ka, halka ay ku dhinteen xeebaha Liibiya isla sanadkaas 381 oo qof, iyadoona la waayay 597 ruux.
Xafiiska Wararka Halqaran.com
Halqarannews@gmail.com
