Muqdisho (Halqaran.com) – Kulan ay Golaha wasiirrada ee Xukuumadda Soomaaliya maanta ku yeesheen magaalada Muqdisho ayaa lagu ammaanay guulaha xooggan ee ciidamada xoogga dalku kasoo hooyeen furimaha dagaalka iyo howlgallada kale ee lagu baacsanayo argagaxisada Al-Shabaab.
Wasiirka wasaaradda warfaafinta, dhaqanka iyo dalxiisaka ee xukuumadda Soomaaliya oo ka war bixiyay kulanka oo uu guddoomiyay Ra’iisul Wasaare Xasan Cali Khayre, ayaa sheegay in goluhu uu si gaar ah u bogaadiyay guulaha ay ciidanku kasoo hooyeen dagaalkii degmada Awdheegle iyo jabka ay gaarsiiyeen argagaxisada.
Intii uu shirku socday ayaa golaha wasiirradu waxa ay ansixiyeen is-afgarad u dhexeeya wasaaradaha Shaqada ee dowladaha Soomaaliya iyo Turkiga.
Golaha wasiirrada ee xukuumadda Soomaaliya ayaa sidoo kale ka hadlay saameynta dhaqaale ee bulshada Soomaaliyeed uu ku yeelanayo qaraarka tirsigiisu yahay 1267 ee hor yalla golaha ammaanka ee Qaramada Midoobay
Xafiiska Halqaran.com, Muqdisho
Halqarannews@gmail.com
