Mudug (Halqaran.com) – Taliyaha Qeybta Booliska Gobolka Mudug Muumin Cabdishire ayaa maanta ka qeyb galay shir uu gudominayay Taliyaha Ciidanka booliska Puntland S/Guuto Maxamed Cali Xaashi shirkaas oo looga hadlayay xaaladda amni ee gobolada Puntland oo lagu qabtay magaalada Garoowe.
Shirka oo ka qabsoomay xarunta taliska ciidanka booliska Puntland waxaa ka qayb galay taliye ku xigeenka Ciidanka booliska S/guuto Maxamed Cali Xaashi, Hogaanada Ciidanka,Taliyaasha Qaybaha gobolada Nugaal, Bari, Mudug, Sool, Karkaar, Cayn, Gardafuu, Sanaag iyo Haylan.
Taliyaha Ciidanka booliska Puntland S/guuto Maxamed Cali Xaashi ayaa Hogaannada iyo Taliyaasha qaybaha ka dhagaystay xaalada guud ee amniga Puntland iyo shaqooyinka baaxada leh ee socda.
S/guuto Maxamed Cali Xaashi ayaa Hoggaanada iyo Taliyaasha qaybaha ku bogaadiyay doorka muhiim ka ah ee ay ka qaateen adkaynta amniga degaannada Puntland isagoo ku la dardaarmay in ay halkaas ka sii wadaan si loo helo deegaan nabdoon.
Waxaa maalmihii la soo dhaafay degaannada Puntland ka socday howlgallo ay wadeen Ciidamada maamulkaas, kaas oo ka dhan ahaa Ururka Al-Shabaab iyo Kooxda Daacish-ta Soomaaliya.
Xafiiska Wararka Halqaran.com
Halqarannews@gmail.com
