Muqdisho (Halqaran.com) – Shir looga hadlayay amniga doorashooyinka ayaa ka dhacay xarunta Xalane ee magaalada Muqdisho, kaasi oo looga dooday sidii loo sugi lahaa goobaha lagu waddo in ay ka dhacaan doorashooyinka Ammaankooda.
Kulankan ka dhacay xarunta Xalane ayaa waxaa qeyb galay Dowladda Federaalka, Dowlad Goboleedyada, Gobolka Banaadir, Wakiilada Qaramada Midoobey, Midowga Afrika iyo dowladda Mareykanka.
Cabdisaciid Cali oo ah la taliyaha Madaxweynaha ee dhanka Amniga ayaa sheegay in shirka looga hadlay in maamul goboleedyada ay ku suggaan Amniga goobaha ay ka dhacayaan doorashooyinka dowladda dhexena ay taageerto.
La taliyaha Madaxweynaha ayaa xusay in shirkaan sidoo kale looga hadlay sidii beesha Caalamka ay taageero u siin laheyd Hay’addaha Ammaanka inta lagu gudajiro Arrimaha doorashooyinka.
Doorashada Xildhibaanada Aqal oo billaaban doonta dhammaanka Sanadkaan ayaa waxaa lagu waddaa in lagu qabto maamul goboleed kasta labo Magaalo oo suggida Amniga ay iska kaashan doonaan AMISOM, Dowladda Dhexe iyo maamul goboleedka.
Xafiiska Wararka Halqaran.com
Halqarannews@gmai.com
