Muqdisho (Halqaran.com) – Guddoomihii hore ee Golaha Shacabka BF Soomaaliya, Mudane Maxamed Mursal Sheekh Cabdiraxmaan ayaa Sabtidii maanta si rasmi ah xilka Guddoomiyaha Golaha Shacabka ugu wareejiyay Guddoomiyaha Cusub ee Golaha Sheekh Aadan Madoobe.
Guddoomiyaha cusub ee Golaha Shacabka Sheekh Aadan Madoobe ayaa Fasax Afar maalmood ah siiyey xildhibaannada, isaga oo sheegey in khilaafka ka taagan kuraasta Gedona uu xallin doono.
“Koox gaar ah lama socdo, wixii annaga naga horreeyeyna shaqo kuma lihin wixii maanta ka bilowda waxyaabaha yaryar ee jira si caddalaad ah ayaan u xallin doonaa” ayuu yiri Guddoomiyaha BF Soomaaliya Sheekh Aadan Madoobe.
Si kastaba, waxaa maanta buuq ka dhashay xarunta golaha Shacabka, kaddib markii ay gudaha u soo galeen xarunta Xildhibaannadii laga soo doortay degmada Garbahaarey ee gobolka Gedo.
Xafiiska Wararka Halqaran.com
Halqarannews@gmail.com
