Tel Aviv (Halqaran.com) – Safiirkii Shiinaha u fadhiyay Israa’iil oo isagoo meyd ah laga helay gurigiisa ku yaalla magaalada Tel Aviv, sida ay soo werisay warbaahinta Israa’iil.
Mr Du Wei, oo 58 sano jir ah ayaa waxaa meydkiisa laga helay sariirtiisa ilaa haatana lama oga sababta ka dambeysa dhimashadiisa.
Waxa dalkaasi loo magacaabay bishii Febraayo ee sannadkan, waxa uu horay Shiinaha ugu fadhin jiray Ukraine.
Safiirka waxa uu ahaa xaasle, waxa uuna dhalay wiil keliya balse qoyskiisa.
Illaa hadda ma cadda sababta rasmiga ah ee ka dambeysay geeridiisa, sidoo kalena ma jirto cid warbaahinta hadal faah faahsan siisay.
Ciidamo Boolis ah ayaa gaaray guriga Safiirka, halkaasi oo ay ka wadaan baaritaanno la xiriira dhimashada Safiirkaasi.
Xafiiska Wararka Halqaran.com
Halqarannews@gmail.com
