Beledweyne (Halqaran.com) – Maamulka Gobalka Hiiraan ayaa Isniinta maanta bilaabay Caro tuur lagu sameynayo hareeraha Wabiga Goobaha ay Biyaha ka baxaan xilli laga Cabsi qabo in Wabiga uu Beledweyne fatahaad ka sameeyo.
Goobaha qaar ee Wabiga ayaa biyo aad usoo buux dhaafiyeen, waxaana dadka Beledweyne ay sheegayaan inay ka cabsi qabaan iyo in uu Wabiga karkaarada jabsado.
Guddoomiyaha Gobolka Hiiraan Cali Jeyte Cismaan ayaa shalay kormeeray Goobaha qaar ee Wabiga, isaga oo sheegay in Biyo farabadan ay ku soo wahahan yihiin magaalada Beledweyne.
Si kastaba ha’ahaatee, sanad walba ayaa wabiga Shabeelle ee mara Gobolada labada Shabeelle iyo Hiiraan waxaa uu sameeyaa fatahaado sababa inay dad badan barakacaan.
Xafiiska Wararka Halqaran.com
Halqarannews@gmail.com
