Muqdisho (Halqaran.com) – Dowladda Soomaaliya ayaa xalay waxaa ay dhagxaantii ay horay ugu jartay ka qaaday qaar kamid ah waddooyinka Magaalada Muqdisho, hayeeshee wararka soo baxaya ayaa waxaa ay sheegayaan in waddooyin kale lagu xiray.
Qaar kamid ah Shacabka ku nool waddooyinkii dhagxaanta laga qaaday ayaa waxaa ay sheegeen in goobtii ay ku xirnaayeen markii hore ee laga qaadaay meel u dhow ay dowladda ku sii xirtay.
Dadka qaarkood oo Warbaahinta la hadlay ayaa waxaa ay sheegeen in caqabad horleh ay soo wajahday, isla markaana Xaafadaha qaar ee Muqdisho ay dowladda go’doon gelisay, waxaana ay ugu baaqay inay waddooyinka u furto.
Isgoysyada ay dowladda Soomaaliya xalay dhagxaanta ka qaaday ayaa waxaa kamid ah isgoysyada, Tarabuunka, Sheekh Cali Suufi, Digfeer oo dhammaantood ka tirsan degmada Hodan iyo dhagxaan taallay meel u dhow Isgoyska Danwadaagaha ee degmada Wadajir.
Xafiiska Wararka Halqaran.com
Halqarannews@gmail.com
