Garoowe (Halqaran.com) – Magaalada Garoowe ee Xarunta gobolka Nugaal ayaa Isniintii maanta ka furmay shir lagu dhameystirayo colaaddii ka dhacday deegaannada Saax-maygaag iyo Senge-jebiye oo ka kala tirsan goballada Nugaal iyo Sool.
Shirkan oo qaban qaabadiisa uu leeyahay maamulka Puntland ayaa waxaa goobjoog ka ah min 21 xubnood oo ka kala socda dhinacyadii colaaddu dhexmartay, waxaana la filayaa in laga soo saaro go’aanno rasmi ah oo lagu dhammaystirayo nabadaynta labada dhinac.
Mas’uuliyiin katirsan dowlad goboleedka Puntland oo shirka ka qeyb galay ayaa dhinacyada ugu baaqay inay dhaqan geliyaan go’aannada shirka kasoo baaya, si loo soo afjaro colaadda labada Beelood oo ah mid soo laab laabatay.
Horay ayaa waxaa shirkaan shirar la mid ah waxaa loogu qabtay deegaannadii lagu dagaallamay ee Saax-maygaag iyo Senge-jebiye , kuwaas oo laga soo saaray go’aanno keenay in dagaalkii u dhaxeeyay labada maleeshiyo Beeleed uu joogsado.
Xafiiska Wararka Halqaran.com
Halqarannews@gmail.com
