Nigeria (Halqaran.com) – Nin u dhashay dalka Nigeria ayaa waxa uu badda kasoo jilaabtay kalluun kamid ah nuucyada ugu qaalisan adduunyada ee la yiraahdo Blue Marlin Fish, waxaana halkiisa pound ee ka midka ah kalluunkaan lagu kala iibsadaa lacag gaareysa 31 kun oo doolar.
Waxaa la sheegaa in guud ahaan halka xabo ee kalluunkaan uu joogo 2.6 milyan oo doolar,balse dhacdada ka yaabisay dad badan ayaa waxa ay aheyd in ninkaan uu geeyay kalluunka tuuladiisa dabadeedna ay cuneen halkii ay ka iibsan lahaayeen si ay u helaan lacagtaas oo wax weyn u tari laheyd.
Dad badan oo u dhashay dalkaas ayaa waxa ay ku tilmaameen dhacdadaan mid jaahilnimo ah maadaama la khasaariyay kalluun lacagta laga helo ay nolol badan badeli karto.
Ninkaan ayaa waxa uu ku nool yahay tuulada Warri ee gobolka Delta Nigeria.
Xafiiska wararka Halqaran.com
Halqarannews@gmail.com
