India (Halqaran.com) – Satyendra Manjhi wuxuu helayaa maalmahaan ammaan iyo bogaadin dadweynaha uga imaaneysa kaddib markii uu u guntaday dhowridda deegaankiisa.
Mr. Manjhi wuxuu ku guuleystay inuu qiyaastii 10,000 oo geed uu ku beero hareeraha webiga Phalgu oo ku yaalla gobolka Bihar ee dalka Hindiya kaas oo aan horey u laheyn dhir manaafacaad leh.
Howshaan miro dhashay waxa ay ku qaadatay in uu dhammeystiro 15 sano. Wuxuu sheegay in uu ka ilaaliyay xayawaanaadka duur joogta ah in ay cunaan dhirta uu beeray.
Caqabadaha ka hor yimid intii uu howsha waday ayuu sheegay inay badnaayeen wuxuu ka xusay in biyaha uu ku waraabinayey geedaha uu ku soo dhaamin jiray dheri.
Xafiiska wararka Halqaran.com
Halqarannews@gmail.com
