Muqdisho (Halqaran.com) – Safaaradda Mareykanka ee magaalada Muqdisho war ka soo baxay ayaa lagu sheegay, in Wariye Harun Macruf uu yahay wariye xirfladle ah, islamarkaana hay’adda NISA ay ku xad-gudbeyso xorriyadda Saxaafadda.
“Harun Macruf waa xirfad-yaqaan la ixtiraamo, waana Saxafi ka tirsan VOANews, waa mid kamid ah saxafiyiinta Soomaalida ee ugu saameynta badan. Weerarrada Hay’adda NISA waxay halis gelinayaan xoriyadda hadalka iyo madax banaanida warbaahinta ee aas-aaska u ah dimqoraadiyadda iyo isla xisaabtanka dowladeed ee Soomaaliya” ayaa lagu yiri war qoraalkaasi ka soo baxay safaaradda Mareykanka ee Muqdisho.
NISA, ayaa khamiistii qoraal ay ku soo daabacday barteeda Twitterka ku sheegtay, in wariye Harun Macruf tallaabo sharciga waafaqsan ka qaadeyso, iyaga oo tilmaamay inuu leeyaha xiriro khatar ku ah amniga Qaranka, kuna kacay falal ka baxsan anshaxa warbaahinta.
Si kastaba, wariye Harun Macruf oo iminka ka howlgala Idaacadda VOA-da ayaanan weli ka jawaabin eedeynta uga timid Hay’adda Nabadsugida iyo Sirdoonka Qaranka Soomaaliya (NISA).
@harunmaruf is a respected, professional @VOANews journalist & one of the most influential #Somali journalists. @HSNQ_NISA attacks threaten #pressfreedom & independent media as a foundation of democratic, accountable governance in #Somalia
— U.S. Embassy Mogadishu, Somalia (@US2SOMALIA) April 5, 2020
Xafiiska Wararka Halqaran.com
Halqarannews@gmail.com
