Boosaaso (Halqaran.com) – Madaxweynaha dowlad goboleedka Puntland, Mudane Siciid Cabdullaahi Deni ayaa Sabtidii maanta qaabilay Safiirka Dowladda Mareykanka ee Soomaaliya Ambassador Donald Yamamoto iyo wafdi uu hoggaaminayo oo booqasho ku tagay Boosaaso.
Siciid Cabdullaahi Deni iyo Safiirka Dowladda Mareykanka ee Soomaaliya Donald Yamamoto, ayaa kawada hadlay arrimo ay ka midyihiin xiriirka Mareykanka iyo Puntland, la dagaallanka argagixisada, xaaladda guud ee siyaasadda Soomaaliya, dhaqaalaha iyo deyn cafinta Soomaaliya.
Dowladda Mareykanka ayaa sheegtay in ay taageero dhanka Horumarinta ay siin doonto maamulka Puntland.
Sidoo kale, Safiirka ayaa sheegay in loo baahan yahay in dib loo soo celiyo xiriirkii dowladda dhexe iyo maamulka Puntland.
Xafiiska Wararka Halqaran.com
Halqarannews@gmail.com
