Muqdisho (Halqaran.com) – Waxaa weli magaalada Muqdisho ka socda kulamo siyaasadeed oo u dhaxeeya Musharraxiinta Madaxweynaha Soomaaliya iyo Xubno ka tirsan Dowladda, kulamadaas oo looga hadlayo arrimaha doorashooyinka.
Guddoomiyaha Aqalka Sare Cabdi Xaashi Cabdillaahi ayaa Hooygiisa ku booqday Guddoomiyaha xisbiga Sahan Cabdikariim Xuseen Guuleed , iyaga oo ka wada hadlay arrimo ku saabsan xaalada.
Kulanka ayaa lagu gorfeeyay xaaladda dalka uu marayo, sida loo heli karo hannaan doorasho oo cadaalad ah iyo in guddiyada doorashada ay noqdaan kuwa lagusoo xulo hannaan lagu wada qanacsan yahay.
Guddoomiyaha Aqalka Sare Cabdi Xaashi Cabdillaahi ayaa dhinaciisa sheegay in loo baahan yahay talo, wadahadal, isu-tanaasul iyo heshiis loo dhan yahay si loo helo xasilooni hore loogu socdo.
Ugu dambeyn, Cabdikariim Xuseen Guuleed, guddoomiyaha Xisbiga Sahan ayaa dhankiisa sheegay in muhiim ay tahay helida xal waara oo deg-deg ah oo ay gaaraan saamileyda siyaasadda si loo helo doorasho xor iyo xalaal ah oo lagu wada qanacsan yahay.
Xafiiska Wararka Halqaran.com
Halqarannews@gmail.com
