Abu Dhabi (Halqaran.com) – Madaxweynihii dalka Isu-taga Imaaraadka Carabta Sheekh Khalifa bin Zayed Al Nahyan ayaa Jimcihii maanta geeriyooday, sida ay shaacisay wakaaladda wararka dalkaasi ee WAM.
Sheekh Khalifa, oo ahaa 73 jir ayaa muddo sanado ah la xarbinayey xanuuno.
“Wasaaradda Arrimaha Madaxtooyada waxay shacabka Imaaraadka Carabta iyo Dunida Islaamka uga tacsiyeyneysaa geeriday Sheikh Khalifa bin Zayed Al-Nahyan oo geeriyooday Jimce 13-ka May,” ayaa lagu yiri qoraal kasoo baxay wakaaladda WAM.
Sidoo kale, Sheekh Khalifa bin Zayed Al Nahyan ayaa ahaa amiirka Imaaraadda Abu Dhabi oo ka mid ah toddabada Imaaradood ee dalkaas uu ka kooban yahay.
Xafiiska Wararka Halqaran.com
Halqarannews@gmail.com
