Muqdisho(Halqaran.com)- Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta kormeer shaqo ku tagay xarunta Wasaaradda Gaashaandhigga.
Ujeedka uu halkaas u tagay Madaxweyne Xasan sheekh ayaa lagu sheegay kormeer shaqo, isagoo u kuur galaya hannaanka shaqo ee Wasaaradda iyo Taliska Guud ee Ciidanka Xoogga Dalka Soomaaliyeed ayaa kulamo la leh, taliyeyaasha iyo saraakiisha hoggaannada Taliska Ciidanka Xoogga Dalka Soomaaliyeed.
Madaxweyne Xasan Sheekh Maxamuud ayaa kula daraarmay saraakiisha Ciidamada inay u diyaar garoobaan sidii Al-Shabaab looga saari lahaa degaannada ay kaga sugan yihiin Gobolada dalka si loo xaqiijiyo Amniga Guud ee dalka.
9-ka bishaan ayaa loo caleema saarayaa xilka Madaxweynaha Soomaaliya sida uu qurshuhu yahay Xasan Sheekh Maxamuud oo xilkaas loo doortay 15-kii bishii may ee sanadka 2022-ka, waxaana ka qeyb galeysa wafuud heer caalami ah.
Mudane Xasan Sheekh ayaa xilligii uu ku jiray ololaha doorashada waxaa uu sheegay in uu muhiimada koowaad uu ka dhigan doono amniga dalka iyo la-dagaalanka Al-Shabaab, waxaana kormeerkaan uu yahay midkii ugu horreeyay ee uu ku tago Wasaaradda Gaashaandhigga tan iyo markii la doortay.
Xafiiska Wararka Halqaran.com
Halqarannews@gmail.com
