Cape Town(Halqaran.com)-Magaalada Cape Town ee dalka koofur Afrika ayaa xalay lagu dilay Allaha u naxariistee Marxuum Cali Maxamed Xasan oo ku magac dheeraa (Balaakii), ka dib markii ay soo weerartay koox burcad ah.
Burcadda ayaa marxuumkaan si bareer ah u toogatay, isagoo ku dhex jiray Gaarigiisa uu Rootiga ku wareejin jiray, iyagoo intaa ka dibna goobta isaga baxsaday, mana jirin wax dhac ah oo ay u gaysteen.
Ciidama ka tirsan booliska oo gaaray goobta lagu dilay muwaadinka soomaaliyeed ayaa bilaabay howlgal iyo baaritaan cidii ka dambeeysay toogashada lagu dilay allah ha u naxariistee Ali Mohamed Hasan (Blaki)
Shaley fiidkii ayey aheyd markii burcad hubeeysan ay toogasho ku dileen Cabdirashiid Axmed Shiiq Muxudiin iyo Mowliid Axmed Cadde oo dukaama ku lahaa xaafada Ndabazabantu ee wadada Solomon Street ee Strand. ee magalada cape town.
Afhayeenka booliiska, Joseph Swartbooi, ayaa xaqiijiyay toogashadii xalay loo geeytay muwadiniinta soomaaliyeed, wuxuuna sheegay in aan wali cidna loo soo qaban.
Xafiiska Wararka Halqaran.com
Halqarannews@gmail.com
