Madaxweyne Xasan oo kormeeray Wasaaradda Maaliyadda iyo Xarunta Bankiga ee Puntland +SAWIRRO

Garoowe (Halqaran.com) – Madaxweynaha JF Soomaaliya, Mudane Xasan Sheekh Maxamuud iyo Madaxweynaha dowlad goboleedka Puntland Mudane Siciid Cabdullaahi Deni ayaa kormeeray xarunta wasaaradda maaliyadda Puntland.

Wasiirka wasaaradda maaliyadda Mudane Xasan Shire Cabdi iyo madaxda kale ee Wasaaradda ayaa madaxweynaha iyo Waftigiisa ku soo dhoweeyay xarunta Wasaradda.

Wasiirka wasaaradda Xasan Shire Cabdi ayaa uga warbixiyay madaxweynaha qaabka ay u shaqeyso wasaradda iyo shaqada ay bulshada u hayso, iyada oo uu madaxweynuhu kormeeray xafiisyada kala duwan ee Wasaardda

Geesta kale, Madaxweynaha JF Soomaaliya, Mudane Xasan Sheekh Maxamuud ayaa booqaday Xarunta Bankiga maamulka iyo Dhismaha Xarunta Dakhliga ee Wasaaradda Maaliyadda ee Gobolka Nugaal.

Xafiiska Wararka Halqaran.com
Halqarannews@gmail.com