Dhuusamareeb (Halqaran.com) – Madaxweynaha dowlad goboleedka Galmudug, Mudane Axmed Cabdi Kaariye (Qoorqoor) ayaa Xarunta Madaxtooyada ku qaabilay sii-hayaha Wasaaradda Gargaarka iyo Maareynta Musiibooyinka DF Soomaaliya, Mudane Xamsa Saciid Xamsa, iyo Wafdi uu hoggaaminayo oo arrimo shaqo u yimid Dhuusamareeb.
Qoorqoor ayaa warbixin ka dhagaystay Sii-hayaha wasaaradda Gargaarka XFS iyo Wasiirka Wasaaradda Gargaarka Galmudug, mudane Abdirahman (Makaawe).
Madaxweynaha Galmudug, ayaa bogaadiyey deddaalka wasaaradda ee arrimaha gargaarka, la tacaalida masiibooyinka iyo halis wadareedka.
Ujeedka safarka Sii-hayaha Wasiirka Gargaarka Xukuumadda Soomaaliya ayaa waxa ay la xiriirtaa sidii qalab kala duwan oo lagu ogaado masiibooyinka loogu wareejin lahaa maamulka Galmudug.
Ugu dambeyn, qalabkaan ayaa horey waxaa loo gaarsiiyay dowlad goboleedyada Jubbaland iyo Koonfur Galbeed oo Wasaaradda ay ku wareejisay.
Xafiiska Wararka Halqaran.com
Halqarannews@gmail.com
