Baydhabo (Halqaran.com) – Madaxweynaha dowlad goboleedka Koonfur Galbeed Soomaaliya, Mudane Cabdicasiis Laftagareen, ayaa xilalkii ka qaaday xubno ka mid Golaha Wasiirada Maamulka Koonfur Galbeed.
Laftagareen ayaa wareegto ka soo baxday xafiiskiisa wuxuu xilalkii uga qaaday wasiirka waxbarashada Cabdraxmaan Cismaan Malaaq, wasiirka shaqada iyo shaqaalaha Feysal Cabdullaahi Cali iyo wasiir ku xigeenka waxbarashada Jabriil Maxamuud Aadan.
Xilka wasiirka waxbarashada ayaa loo magacaabay Maxamed Yuusuf Xasan, halka wasiirka shaqada iyo shaqaalaha loo magacaabay Cabduqaadir Cumar Cabdllaahi, sidoo kale wasiir ku xigeenka waxbarashada ayaa loo magacaabey Cabdifitaax Isaaq Maxamed.
Waxaa lagu sheegay sababta xil ka qaadista loogu sameeyay Wasiiradan, inay tahay si loo horumariyo Wasaaradihii ay ka shaqeynayeen Wasiirada xilalkii laga qaaday.
Si kastaba, digreetada xil ka qaadista iyo magacaabista ee Xafiiska Madaxweynaha Koonfur Galbeed ka soo baxday, ayaa waxaa Saxaafadda u aqriyay Agaasimaha Warfaafinta Madaxtooyadda Maamulkaasi Maxamed Cali Ibraahin.
Xafiiska Wararka Halqaran.com
Halqarannews@gmail.com
