Muqdisho (Halqaran.com) – Madaxweynaha JF Soomaaliya Mudane Maxamed Cabdullaahi Farmaajo ayaa lagu wadaa in maalinta berri oo Sabti ah ah uu Xildhibaannada Golaha Shacabka u jeediyo warbixin ku saabsan xaaladda guud ee dalka.
Kulanka Xildhibaannada oo lagu qaban doono xarunta KMG ah ee Villa Hargeysa ayaa la filayaa in ajendaha kulanka uu noqdo dhageysiga warbixin Madaxweyne Farmaajo u jeedinayo Xubnaha Golaha Shacabka.
Madaxweynaha JF Soomaaliya, ayaa lagu wadaa in uu Xildhibaannada Golaha Shacabka ee BFS ka codsado in loo kordhiyo muddada uu ku soo magacaabayo ra’iisul wasaaraha cusub ee dalka.
Si kastaba, hortagidda Madaxweyne Farmaajo ee BF Soomaaliya ayaa ku soo aadeysa Saddex toddobaad kadib markii ay xildhibaannada Golaha shacabka ay kalsoonida kala noqdeen ra’iisul wasaare hore ee XFS Mudane Xasan Cali Kheyre iyo Xukuumaddiisa.
Mar walba kala soco warar xaqiiq ah iyo dhacdooyinkii ugu dambeeyay Halqaran.com.
Xafiiska Wararka Halqaran.com
Halqarannews@gmail.com
