Baladweyne (Halqaran.com) – Madaxweynaha dowlad goboleedka Hirshabelle, Dr. Maxamed Cabdi Waare ayaa Kkamiista maanta Madaxtooyada Baladweyne kula kulmay Odayaasha dhaqanka Labada Beelood ee dhowaan Shaqaaqooyinka ku dhex maray Xadka Itoobiya iyo Soomaaliya ee Feer-Feer,
Dr. Waare ayaa kala hadlayay odayaashaasi nabad ku wada noolaashiyaha iyo in laga wada shaqeeyo xasilooni ka hana qaada deegaanadaasi.
Madaxweynaha Hirshabelle ayaa waxa uu muujiyay sida muhiimka ay u tahay in laga faa’iideysto iskaashiga Dowlad Goboleedka Hirshabelle iyo Dowlad Deegaanka Soomaalida Itoobiya.
Waxay aheyd, maalin ka hor markii mas’uuliyiin ka kala socday Maamulka Gobolka Hiiraan iyo Maamulka Gobolka Shabeelle ee Dowlad degaanka Soomaalida Itoobiya ay xal ka gaareen Colaad beeleedka ka jiray degmada Feer-Feer.
Xafiiska Wararka Halqaran.com
Halqarannews@gmail.com
