Muqdisho (Halqaran.com) – Madaxweynaha Dowlad Goboleedka Galmudug, Mudane Axmed Cabdi Kaariye (Qoorqoor) oo khudbad ka jeediyay xafladda xiritaanka shirkii Muqdisho, ayaa ka hadlay arrimo kala duwan.
Mr. Qoorqoor, ayaa si guud ugu mahadceliyay Madaxda iyo wufuudii kasoo qeybgashay Shirka, isagoo si gaar ah ugu mahadceliyay Madaxweynaha JF Soomaaliya, Mudane Maxamed Cabdullahi Farmaajo, oo sida uu sheegay muujiyay odaytinimo iyo tanaasul muddadii uu socday shirka wadatashi.
Madaxweynaha Galmudug ayaa sheegay in ay muhiim tahay in ay dalka ka dhacdo doorasho ku qabsoonta waqtigeeda, waxaana uu bogaadiyay Heshiiska arrimaha Doorashada ee lagu gaaray Muqdisho.
Ugu danbeyntii Madaxweyne Qoorqoor ayaa ka codsaday dhammaan dadka Soomaaliyeed inay soo dhaweeyaan heshiiskaan taariikhiga ah oo laga gaaray Hannaanka Doorashada Dalka.
Xafiiska Wararka Halqaran.com
Halqarannews@gmail.com
