Muqdisho (Halqaran.com) – Waxaa maanta xarunta Teendhada Afisyooni ee magaalada Muqdisho ka furmay shir u dhaxeeya madaxda DF Soomaaliya iyo dhammaan shanta dowlad goboleed iyo guddoomiyaha gobolka Banaadir.
Shirka oo ah mid ay Albaabada u xiran yihiin ayaa waxaa uu noqonayaa mid markii ugu horreysay Madaxweynayaasha maamullada Jubbaland iyo Puntland ay hor-fariistaan Madaxweyne Maxamed Cabdullaahi Farmaajo iyo Ra’iisul Wasaare Rooble, kaddib saddex todobaad oo ay ku sugnaayeen magaalada Muqdisho.
Ajandaha shirka Maanta ayaa waxaa uu yahay sidii looga heshiin lahaa Ajandaha shirweynaha wada-tashiga doorashooyinka.
Waxaana Shirka Maanta soo qaban qaabiyay Beesha Caalamka oo cadaadis saartay dhinacyada siyaadadda dalka isku haya.
Shirka Sabtida maanta ah ee uga furmay teendhada Afisiyooni ee Magaalada Muqdisho Madaxda DF Somaliya, Dowlad Goboleedyada iyo Guddoomiyaha Gobolka Banaadir ayaa hordhac u ah shirweynaha wadatashiga doorashooynka, si looga heshiiyo khilaafka doorashada dalka.
Xafiiska Wararka Halqaran.com
Halqarannews@gmail.com
